ژمارەی قوربانییەکانی بوومەلەرزەکەی میانمار ٢ هەزار و ٧٠٠ی تێپەڕاند
13 oC
13 oC
Güneşli
13 oC
Güneşli
لە وڵاتی میانمار ژمارەی ئەو کەسانەی لە ئەنجامی بوومەلەرزەکەی بە گوڕی ٧.٧ پلەی ریختەر گیانیان لەدەستداوە گەشتە ٢ هەزار و ٧١٠ کەس.
هەفتەی رابردوو لە وڵاتی میانمار بوومەلەرزەیەک بە گوڕی ٧.٧ رووی دابوو کە وەک گەورەترین بوومەلەرزەی سەدەی کۆتایی تۆماڕ کرابوو. مین ئاونگ هلاینگ سەرۆکی سەربازی میانمار راگەیاند کە ژمارەی قوربانییەکان گەشتووە ٢ هەزار و ٧١٠ کەس و پێدەچێت ژمارەکە ٣ هەزاری تێپەڕێنێت. لە ئەنجامی رووداوەکەدا ٤ هەزار و ٥٢١ کەسیش بریندار بوون و ٤٤١ کەسیش هێشتا بێ سەروشوێنن.
لە ناوچەی ماندالیای وڵاتی میانمار لە ئەنجامی ڕوخانی قوتابخانەیەک ٥٠ منداڵ و ٢ مامۆستا گیانیان لە دەستدا.
ئۆفیسی هەماهەنگی کاروباری مرۆیی نەتەوە یەکگرتووەکان راگەیاند، لە ناوچەکە گەورەترین کێشە ئاوی خاوێن، خزمەتەکانی ئاوەڕۆیە و چالاکییەکانی هاوکاری لە ناوچەکە بەردەوامە.
کاریگەری رووداوەکە تەنها بە سەر میانمار نەبوو و هەروەها وڵاتی تایلەندیش خستە ژێر کاریگەری خۆی. دەستنیشان کرا، نزیکەی ٧٠ کەس لە ژێر باڵەخانەڕوخاوەکاندا گیریان خواردووە و بەشێکی گەورەیان پێدەچێت گیانیان لەدەستدابێت. تاوەکو ئێستا لە وڵات ٢٠ کوژراو تۆماڕ کراون.
نەتەوە یەکگرتووەکان راگەیاند، بەهۆی شەڕی ناوخۆی چالاکییەکانی هاوکاری بە دژواری بەردەوام دەبێت.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
ئێران بە توندی ئیدانەی هێرشەکانی رژێمی داگیرکەری سەهیۆنی بۆ سەر چەند ناوچەیەکی سوریا کرد.
بەهۆی گەردەلوول لە ناوەڕاست و باشووری ئەمریکا کەسێک گیانی لەدەستدا و ١٠ کەسیش بریندار بوون.
وەزارەتی تەندروستی فەلەستین راگەیاند کە ژێرخانی تەندروستی بەهۆی هێرش و گەمڕۆ رژێمی سەهیۆنی نزیک بە تەواوی داڕماوە و داوای لە کۆمەڵگەی نێودەوڵەتی کرد بەپەلە دەستێوەردان بکات و سەرنجی بۆ داڕمانی سیستەمی تەندروستی لە غەززە راکێشا.
بزووتنەوەی خۆڕاگری ئیسلامی فەلەستین حەماس ناڕەزایەتی دەربڕی لە بەرامبەر هێرشەکانی رژێمی داگیرکەر بۆ سەر یەمەن و سوریا.
